“නැගිටිව් දෙමළුනි” සහ සිංහල දේශපාලකයාගේ හෙළුව

මෙන්න මෙහෙමයි සටන ආරම්භ වෙන්නේ, උතුරේ මහ ඇමැති විග්නේශ්වරන් නායකත්වයෙන් දෙමළ පිබිදීම උද්ඝෝෂණ ව්‍යාපාරයක් පසුගියදා පැවැත්වුවා.ඒක තමයි විමුක්ති සටන්කාමියෙක් වු ප්‍රභාකරන් නැතිව විශාල සෙනගක් සහභාගි වු එකම ‍රැළිය.ඒකට සහභාගී වුනේ මේ මහින්ද වගේ හෝ රනිල් වගේ සීටිබී බස් වලින් ගෙනාපු අය නෙමේ.

අපේ දකුණේ අය කරන්නේ මොකක්ද මහින්ද සිටිබී බස් වලින් මිනිස්සු ඇද්දා කිය කියා ‘අවුල් ආණ්ඩුවේ’ ‍රැළිවලටත් මිනිසුන්ව අදිනවා සීටීබී බස් වලින්.ඔය මෑතකදී තුවාල වෙච්ච අලියා බො‍රැල්ල කනත්ත ගාව සුව වෙලා ඉන්නවාත් වෛවර්ණ මිනිසා දැක්කා.නොදැක්කා වගේ ආවා.මොනා කරන්නද?

හරි..හරී..කතාව වෙන පැත්තකට යනවනේ.දැන් ඔය කියන උතුරේ දේශපාලකයා නායකත්වය දුන්න ‍රැළියට අපේ දකුණේ අය පට්ටම විරුද්ධයි කියහංකෝ.

එයාලා ඉල්ලුවේ වැඩි දේවල් නෙමෙයි උතුරේ සිදුවන හමුදාකරණය, සිංහලකරණය සහ බෞද්ධකරණය අත්හි‍ටුවන්න කියලා.ඇත්තනේ කතාව…ඉතිං..තමන්ට අයිති ඉඩමක වෙන එකෙක් පොල් හිටවන්න ගියොත් මොන එකාට ද කේන්ති යන්නෙ නැත්තේ..තේරේන බාසාවෙන් කිව්වොත් 2500 ඉතිහාසයක් තුළ උතුරේ වැඩිම පාරම්පරික ඉඩම් දෙමළ ජනතාවට අයිති.සිංහල අපගේ රට තමයි..එහෙම කිය කියනේ ලක්ෂ ගාණක ලේ රස වින්දේ කිරිබත් එක්කලා.

ඔන්න ඕකට විරුද්ධව අපේ  සිංහල බෞද්ධ රටේ ආරක්ෂක රාජ්‍ය අමාත්‍යවරයා කිව්වේ ඉල්ලීම් වලට කන්දීමට කිසිසේත් සුදානම් නැති බවත්,“කොච්චර කෑ ගැහුවත් අපේ වැඩ පිළිවෙල දිගටම කරගෙන යනවා,සමහර අන්තාවාදී පිරිසක් විසින් කියලා තොත්ත බාබා වගේ කියන ලස්සන.එයාලා ඉතිං දේශප්‍රේමීයෝ…ඔයිට වාඩා අන්තවාදීන් මහින්දගේ කාලේ දැකලා නැති රුවන්ට කියන්නට ඇත්තේ දර්ගා නගරයේ වටයක් ගසා එන්න කියාය.

දැන් අපේ ‘පිවිතුරු හෙළ උරුමය’ නොයෝජනය කරන උදය ගම්මන්පිල කියන්නේ “නැගිටිව් දෙමළුනි”යනුවෙන් උතුරේ විරෝධතාන සංවිධානය කරනු ලැබුවේ උතුරේ මහ ඇමති විග්නේශ්වරන් මැතිතුමා බවත්,ඔහුව අත්අඩංගුවට අරගෙන ඇප නැතුව රක්ෂිත බන්ධනාගාර ගත කරාවි දැයි තමන් බලාගෙන සිටින බවට ඔහු ප්‍රකාශ කළා.

මුලින්ම එහෙනම් හිරේ දාන්න ඕනේ අනගාරික ධර්මපාලව.මොකද මිනිහනේ ඔය සංකල්පය ගෙනාවේ.’සිංහලයනි, නැගිටියව්’ කියලා…දකුණේ සිංහලයා කිව්වම හොදයි.උතුරේ දෙමළා කිව්වම නරකයි.අන්න ඕකයි දේසපාලනේ…

අපේ ලංකාවේ සුපර් ස්ටාර්…‍ෆිල්ම් වල විතරක් නෙමේ දෙශපාලනෙ දීත් පුක ඇන ගන්නවා බිම. එයා කියන්නෙ මොකක්ද දන්නවාද?

උතුරේ බුදුපිළිම ස්ථාපිත කිරීම ගැන විග්නේෂ්වරන් විරෝධය පළකරන්නේ නම් දකුණේ ජනතාව කෝවිල් ඉදිකිරීම ඇතුළු කටයුතු ගැන ඔහු පවසන්නේ කුමක්දැයි ඒ  මහතා පෙන්වාදුන්නේය.

වරදක් කර නැති නම් පරීක්ෂණ ගැන රණවිරුවෝ බිය විය යුතු නැති බවත්, එසේ වුවද රණවිරුවන් මෙන්ම මිනීමරුවන්ද හඳුනාගත යුතු බවත්, හෙතෙම පැවසුවේය.

කියලා….සෙල්ලම්ද කොල්ලෝ කිවලු…මේ ලොක්කා ලසන්ත ගැනයි,වසීම් ගේ ඝාතකයන් ගැනයි කිව්වා,ඒත් වැඩක් නැනේ බලේ තිබ්බට ඝාතකයන්ව අල්ලන්න බෑ..පොඩි මිනිස්සු හොරකම් කළා නම් අල්ලලා පොලිසීයට භාරදීලා විඩීයෝ මුහුණු පොතටත් දානවා.

දැන් උතුරේ දෙශපාලකයා අන්තවාදී දකුණේ දේශපාලකය දේශප්‍රේමී.(මහ ජනතාවගේ මුදල් හොරකම් කර කර)

|වෛවර්ණ මිනිසා